B’aktar minn ħdax-il miljun segwaċi, ħareġ it-trailer tal-film, ‘Napolean’, taħt it-tmexxija ta’ Apple Studios, li jitratta l-ħajja tal-Ġeneral Franċiż Napuljun.
Parti minn dan il-film inħadem f’pajjiżna, fil-bidu tas-sena 2022.
Il-moħħ wara l-iffilmjar ta’ dan il-film, Ridley Scott, huwa wkoll il-moħħ wara Alien, Gladiator u Blade Runner.
Fost l-artisti li għamlu parti minn dan il-film insibu lill-istilla Joaquin Phoenix, famuż anke għall-film Gladiator, li se jkun qed jinterpreta l-parti tal-famuż Napuljun, filwaqt li l-parti ta’ mart Napuljun, Josephine hija interpretata minn martu Vanessa Kirby, rinomata għall-parti tagħha fis-serje The Crown.
Il-ġbid ta’ dan il-film sar f’Ħ’Attard, l-Isla, il-Mellieħa, is-Siġġiewi, l-Imdina, il-Belt, u fil-Malta Film Studios fil-Kalkara.
