ONE.com.mt jinsab infurmat li għall-ħabta tat-3:30 ta’ waranofsinhar żviluppaw nirien f’dar li tinsab fi Triq Santa Katerina f’Ħal Qormi.
Fuq il-post issejħet l-assistenza tal-membri tal-Protezzjoni Ċivili biex jikkontrollaw in-nirien.
Mill-gallarija dehret daħna bajda ħierġa. Xhieda fuq il-post qalu lil ONE News li jidher li ħadd ma weġġa’ f’dan l-inċident. Jidher li n-nirien żviluppaw minn chip pan.
Minn informazzjoni ksibna, sid id-dar kien qed jistad u bintu ċemplitlu fejn infurmatu li d-dar bdiet tieħu n-nar.
Fuq il-post stajna ninnutaw li s-sitwazzjoni ġiet ikkontrollata fi ftit ħin.
