Wara nuqqas ta’ madwar ħmistax-il sena, l-istoriku u l-preżentatur Mario Coleiro, jirritorna fuq ONE f’din l-iskeda l-ġdida.
Għal dawn l-aħħar snin, lil Mario konna nsegwuh fuq l-istazzjon Nazzjonali fil-programmi Ħadd Għalik, Malta u lilhinn minnha, X’joffri l-kunvent, Mill-għatba ‘l ġewwa, fost oħrajn… Iżda mill-Ħadd 3 t’Ottubru ser nibdew narawh waqt il-programm ġdid ‘Imqades l-istorja’ fuq ONE.
Apparti l-preżentazzjoni, għal dan il-programm ġdid, Mario qed jieħu ħsieb ir-riċerka u l-kitba. ‘Imqades l-istorja’ huwa stil ġdid għat-televiżjoni lokali bi produzzjoni ta’ Andrew Borg Carbott u Matthew Vassallo f’isem Cacti, b’fond għall-produzzjonijiet kulturali fi ħdan il-Kunsill Malti għall-Arti.
F’din il-minuta tista’ ssegwi dak li ser tkun tista’ tara, kull nhar ta’ Ħadd fil-5pm b’repetizzjoni kull nhar ta’ Erbgħa fil-5pm.
