Kantanti Maltin u produtturi tal-mużika ingħaqdu flimkien b’mod spontanju fuq luzzu tradizzjonali Malti li bħalissa jinsab f’Dubai. Flimkien, kantaw għal waħda mill-aktar kanzunetti tradizzjonali.
Segwi hawn filmat qasir waqt kanzunetta spontanja meta kienu fil-padiljun ta’ Malta f’Dubai
Dawn il-kantanti bħalissa jinsabu f’Dubai, hekk kif fil-ġurnata tal-Erbgħa 19 ta’ Jannar 2022, il-‘Global World Expo’ ser tiċċelebra lil Malta f’dik li tissejjaħ ‘National Day Celebration‘. Iċ-ċelebrazzjoni tibda b’ċerimonja uffiċjali f’Al Wasl Plaza.
‘Malta – The Place to be‘ huwa t-titlu tal-ispettaklu li ser jittella’ . Din iċ-ċerimonja tibda għas-7am (ħin ta’ Malta) u ser tixxandar b’mod dirett fuq il-paġna ta’ facebook Malta – Expo 2020.
Ir-rappreżentanza ta’ Malta ġewwa l-Expo hija kkordinata mill-Malta Enterprise u għall-elementi kulturali għal Jum Malta sar xogħol mill-Awtorita’ Maltija għat-turiżmu.
