Fl-10:30 ta’ dalgħodu bdiet il-15 -il edizzjoni tal-maratona tal-futbol u volleyball b’risq Puttinu.
L-għan tal-maratona hu li tkompli tkun ta’ spalla għat-tfal u għal dawk kollha morda b’kanċer.
Fl-istess waqt, tkun ta’ għajnuna kbira għall-qraba tagħhom billi tipprovdilhom appartament fejn jgħixu meta jkunu għall-kura fl-Ingilterra.
Il-maratona bdiet b’daqqa’ ta’ ballun mit-tifel Kane Debattista li fl-aħħar xhur intlaqat mill-marda kiefra tal-kanċer.
Huwa qassam il-ballun lill-President ta’ Malta George Vella biex b’hekk ingħata bidu għall-maratona ta’ sittin siegħa fil-Marsa.
Fil-ftuħ ta’ din il-maratona, il-President Vella faħħar ix-xogħol li qed isir minn Puttinu Cares biex jagħti l-għajununa kollha meħtieġa lill-familji li bħal sajjetta fil-bnazzi jintlaqtu minn dan l-għawġ f’ħajjithom.
