Fi stqarrija d-Dwana kkonfermat dettalji dwar qabda rekord ta’ droga li normalment tinqabad f’sena.
Fil-fatt, fil-Port Ħieles, id-Dwana qabdet sitt mija u tnax-il kilogramma ta’ droga kokaina li telqet mill-Ekwador u kienet fi triqitha lejn il-Libja.
Id-droga kienet tikkonsisti f’pakketti ta’ kilo u mitejn gramma moħbija f’pellets li kienu qed jġorru żejt tal-ikel.
B’kollox instabu ħames mija u għaxar pakketti.
Il-valur fis-suq ta’ din id-droga tlaħħaq id-disgħa u sittin miljun ewro.
Il-każ għadda għand il-pulizija għal aktar investigazzjonijiet filwaqt li l-Maġistrat tal-Għassa ħatar diversi esperti biex jassistu.
Intant kien propju l-Ministru għall-Finanzi Clyde Caruana li fil-Parlament ħabbar li d-Dwana qabdet ammont rekord ta’ droga li normalment kważi jinqabad f’sena.
