Ilejla fuq ONE jerġa’ jirritorna l-programm Brillanti.
Programm li jippremja t-talent lokali. Ġurija professjonali li se tkompli tiġġudika bosta talenti li tressqu quddiemhom f’Dar il-Mediterran għall-Konferenzi, l-Belt.
ONE News tkellem mal-preżentatur Joseph Chetcuti fejn esprima l-pjaċir tiegħu li l-ewwel programm kien ta’ suċċess u r-rispons kien wieħed brillanti.
“Fil-fatt kellna rispons eċċezzjonali biex nuża l-kelma brillanti ir-rispons kien għaliex kellna nies, in-nies jgħidu from all walks of life, iġiferi żgħażagħ, inqas żgħażagħ, ta’ kull tip ta’ persuna kemm anka dawk li jifhmu fil-mużika u anka forsi dawk li ma tantx jifhmu kulħadd nista’ ngħid mixewl bl-ewwel programm ta’ din is-sensiela.”
Chetcuti spjegalna li illejla, t-tieni programm Brillanti se jkun mimli emozzjonijiet u kull min iħobb il-mużika għandu jsegwi dan il-programm fit-8:30 ta’ filgħaxija fuq ONE.
“Ilejla għandna u nwiegħdkom programm ukoll mimli emozzjonijiet. Se nifirħu flimkien, se toħroġilna xi demgħa għal dawn iż-żgħażagħ imma wara kollox dik il-kompetizzjoni għaliex kif ngħid jien fil-programm huma ħafna dawk li jafu jdoqqu, ftit il-bravi imma wieħed jew waħda biss li se tkun il-brillanti.”
