Tfajla poġġiet filmat fuq is-sit soċjali Facebook bl-għan li jiġu identifikati tliet irġiel li serqulha l-basket minn bar f’San Ġiljan. Fil-filmat jidher li waqt li din it-tfajla kienet qed tieħu gost ma’ sħabha, irġiel li kienu fuq il-post kienu qed jikkomunikaw bejniethom biex jisirqulha l-basket.
Din is-serqa saret fis-o1.30 ta’ dalgħodu. Fil-kummenti tagħha ma’ ONE NEWS, it-tfajla spjegat li l-mobajl tagħha jinsab fiż-żona tal-Imsida, viċin l-għassa tal-Pulizija, hekk kif permezz ta’ App li installat fuq il-mobajl tista’ ssib fejn qiegħed.
Minn statistika li ħarġet jirriżulta li din is-sena ġew irraportati li nsterqu 17,993 mobile. L-akbar numru ta’ mobiles li nstabu minn dan in-numru, kien propju ta’ 8,619 f’San Ġiljan.
