Grupp ta’ erbat itfal qed jiġu mitkellma mill-Pulizija wara li kienu nvoluti fi ġlieda f’Birżebbuġa.
Minn informazzjoni li kiseb one.com.mt involut fil-ġlieda kien hemm ukoll it-tfajjel ta’ madwar tlettax-il sena li din il-ġimgħa beda jiċċirkola filmat tiegħu isuq karozza tal-għamla Mercedes.
Il-każ seħħ għall-ħabta tat-15:00 tas-Sibt waranofsinhar. Immedjatament fuq il-post intalbet l-assistenza tal-Pulizija tad-Distrett u dawk tar-Rapid Intervention Unit.
Xhieda li kienu fuq il-bajja qalulna li mal-wasla tal-Pulizija, numru ta’ tfal ħarbu jiġru fid-direzzjoni tal-pitch tal-waterpolo bil-Pulizija kienu kostretti jiġru warajhom sakemm qabduhom.
Malli nqabdu mill-Pulizija, l-ġuvintur ittieħdu wieħed wieħed fl-għassa tal-Pulizija ta’ Birżebbuġa għal aktar investigazzjonijiet.
