Kersten Graham huwa wieħed minn dawk il-kantawturi lokali li għalkemm ilu ftit fix-xena, sploda fix-xena mużikali sentejn ilu wara li deher waqt Xfactor Malta. Minn hemm ‘il quddiem qatt ma ħares lura u l-karisma personali tiegħu flimkien mat-talent naturali bħala kantant u kitarrist illum stabilixxewh bħala wieħed mill-aħjar ‘live acts’ li tista’ ssegwi lokalment.
‘For you’ hija t-tieni kollaborazzjoni ma’ Matthew James Borg. F’Ottubru tas-sena l-oħra Kersten u Matthew ħarġu l-kanzunetta ‘Moonlight River’ bħala double act
Din id-darba Matthew serva bħala producer u recording engineer fuq din is-silta li ironikament, għalkemm titratta fuq relazzjoni speċjali u inħarġet speċifikament f’jum San Valentinu, Kersten stqarr magħna li r-relazzjoni personali tiegħu illum spiċċat. Imma jgħidilna li ‘For you’ hija rigal għal maħbubin kollha irrispettivament mir-relazzjoni personali tiegħu għax il-mużika m’hi propjeta’ emozzjonali ta’ ħadd imma esperjenza li trid tinqasam. Il-kanzunetta m’għadhiex tiegħu imma tal-udjenza.
Segwi hawn il-filmat mużikali tal-kanzunetta ‘For you’
