Kienu ħafna li mat-tokki tad-9:00 tat-Tlieta filgħaxija, ħarġu fil-gallariji u sellmu lill-professjonisti fil-qasam tas-saħħa li b’dedikazzjoni liema bħalha qed jaħdmu biex jikkuraw lil dawk milquta mill-coronavirus.
Dan b’ċapċipa ta’ ringrazzjament li dwiet mat-toroq u l-isqaqien ta’ pajjiżna, wara li ħafna semgħu u laqgħu l-appell li sar fuq Facebook biex isir dan il-ġest ħalli jintwera r-rispett u l-apprezzament mistħoqq lejn dawn il-ħaddiema.
