F’temp ta’ 72 siegħa, il-Kap Nazzjonalista Bernard Grech u dak li baqa’ magħruf bħala d-Deputat tal-Blue Heroes, Jason Azzopardi giddbu lil xulxin.
Dan hekk kif is-Sibt fuq l-istazzjon tar-radju tal-Knisja tar-Radju, Jason Azzopardi qal li t-tmexxija tal-Partit Nazzjonalista ma riditux jikkontesta l-Elezzjoni Ġenerali u fuq il-programm XTRA ma’ Saviour Balzan fuq l-istazzjon nazzjonali, il-Kap Nazzjonalista Bernard Grech giddeb lil Azzopardi.
“Mhuwiex minnu illi jiena tlabt lil Jason Azzopardi biex ma jikkontestax l-elezzjoni.”
Il-preżentatur kompli jistaqsi lil Bernard Grech dwar Jason Azzopardi.
Hawnhekk Bernard Grech innota kif Jason Azzopardi kien ifaħħru qabel l-elezzjoni u wara li baqa’ l-art, attakkah.
SAVIOUR BALZAN: “Imma ifhimni fl-aħħar mill-aħħar in-nies iridu jisimgħu wkoll kif taħsibha fuq min ma tantx, prova jbenglek kemm il-darba jiġifieri, dan ma tantx trattak bħal ħarir.”
BERNARD GRECH: “Wara l-elezzjoni imma”
SAVIOUR BALZAN: “Jista’ jkun każ ta’ sour grapes ukoll.”
Dan intqal fl-isfond li Beppe Fenech Adami ddikjara fuq il-midja li Jason Azzopardi ma telaq qatt mill-Partit Nazzjonalista u awgura li dan jibqa’ jikkontribwixxi.
BEPPE FENECH ADAMI: “Jien nawgura illi Jason Azzopardi jibqa’ jagħti xi forma ta’ kontribut fil-Partit Nazzjonalista.”
ANDREW AZZOPARDI: “Tarah jiġi lura?”
BEPPE FENECH ADAMI: “Jien naħseb li ma telaq qatt.”
