Filmat meħud minn għoli liem bħalu juri b’mod ċar kif ibena l-isptar ta’ Huoshenshan fir-reġjun ta’ Wuhan fiċ-Ċina.
Sptar li nbena bl-intenzjoni speċifika li jitratta pazjenti milquta mill-Coronavirus.
Skont awtoritajiet Ċiniżi x-xogħlijiet fuq l-isptar beda fl-24 ta’ Jannar u l-isptar huwa mistenni li jiftaħ fit-3 ta’ Frar.
S’issa 300 persuna tilfu ħajjithom kawża ta’ dan il-virus filwaqt li hemm madwar 24-il elf persuna li kienu milquta.
