Il-poplu għandu għażla. Fuq naħa hemm koalizzjoni ta’ konfużjoni. Vapur b’ żewġ kaptani li l-uniku ħaġa li tgħaqqadhom hija l-mibgħeda kontra Joseph Muscat. Iżda bil-mibgħeda ma tmexxix pajjiż. Biex tmexxi pajjiż trid tkun tħobb lil pajjiżek.
Qal dan il-Prim Ministru u Mexxej Laburista Joseph Muscat meta indirizza mass rally fin-Naxxar.
Muscat tkellem fuq min f’kull ċans li jkollu, jitkellem kontra Malta, u jogħrok idejh meta ħaddiehor jitkellem kontra l-Maltin. Fuq min irewwaħ biex jintqalu affarijiet kontra l-pajjiż.
“Min jagħmel hekk, lil poter ikun iħobb” qal Muscat.
Appella lil dawk miġbura: “Sibu mument wieħed, kelma waħda li qatt ħarget minn fommi kontra pajjiżna. Qatt ma kien hemm u qatt ma se jkun hemm. Ikun min ikun fil-gvern. Għaliex l-imħabba lejn pajjiżna, il-patrijottizmu tagħna mhux relattiv. Mhux xi ħaġa li tinbidel skond min ikun imexxi. Il-Maltin u Għawdxin li jħobbu lil pajjiżhom, iħobbuh fuq kollox, minkejja kollox u għal kollox.”
Joseph Muscat qal li l-koalizzjoni tal-konfuzjoni tkun ħelset mill-uniku ħaġa li tgħaqqadha fl-ewwel ġurnata jekk ikunu fil-gvern, għaliex Joseph Muscat jitlaq mall-ewwel, għaliex ibaxxi radu għar-rieda tal-poplu, għaliex mhux marbut mall-poter. Żied jgħid li min ihobb lil pajjiżu mhux il-poter irid, iżda l-unur li jservi lin-nies.
“Kif jeħilsu minni, iwaddbuni l-ħabs qalu, jibda l-inkwiet bejniethom, għaliex ma jaqblu fuq xejn bejniethom”.
Jibda wkoll, spjega l-Prim Ministru, l-inkwiet għal familji u negozji. Għaliex il-post tax-xogħol ta’ kull individwu jkun f’ idejn Simon Busuttil u Marlene Farrugia. Il-futur tan-negozji ikun f’idejn Simon Busuttil u Marlene Farrugia. Il-pensjoni tkun f’ idejn Simon Busuttil u Marlene Farrugia. Il-edukazzjoni tal-ulied tkun f’ idejn Simon Busuttil u Marlene Farrugia. Is-saħħa tal-ġenituri tkun f’ idejn Simon Busuttil u Marlene Farrugia. Il-finanzi tal-pajjiż ikunu f’ idejn Simon Busuttil u Marlene Farrugia. L-ekonomija tal-pajjiż tkun f’ idejn Simon Busuttil u Marlene Farrugia. L-istabilita’ tal-pajjiz tkun f’ idejn l-aktar koppja instabbli li qatt rat il-politika Maltija.
L-aktar koppja instabbli fil-politika Maltija li f’ jum wiehed tkisser dak li ksibna flimkien f’ dawn l-erba’ snin u tkisser dan il-miraklu ekonomiku Malti.
L-aktar koppja instabbli fil-politika Maltija li lanqas kienet kapaċi tagħmel kalkoku baziku dwar il-pensjonijiet tan-nies.
“Ħadu żball ta’ miljuni kbar, fuq somma li tfal tal-primarja kapaċi jagħmlu. Illum nidħku dwar dan l-iżball. Iżda jekk fit-tlieta ta’ Gunju ma tohrogx tivvota għal dan il-Moviment, din ma tibqax xi ħaġa tad-daħk. Għaliex il-pensjoni tiegħek tkun f’ idejhom. Ix-xogħol tiegħek ikun f’ idejhom. In-negozju tiegħek ikun f’ idejhom. Il-futur tiegħek ikun f’ idejhom”.
Għalhekk, żied jgħid Muscat, kull waħda u wieħed għandu responsabiltà kbira fit-tlieta ta’ Gunju. Mhux biżżejjed li wieħed jgħid li mhux se jivvota għal koalizzjoni ta’ konfużjoni. Qal li min ma joħroġx jivvota se jkun qed ibexxaq il-bieb għal koalizzjoni ta’ konfuzjoni, se jkun qed jafda l-istabilità ta’ pajjiżna f’ idejn din il-koppja instabbli. Hemm min għadu indeċiż jekk joħroġx jivvota, iżda jekk joħroġ, se jivvota għal dan il-Moviment.
Joseph Muscat għaraf li hem min jgħid li ma rridx nivvota għaliex għad m’għandux ix-xogħol li jistenna. Għaliex għadu ma ngħatax il-post tal-housing jew kien qed jistenna li dan il-Gvern jimxi aħjar dwar governanza u ambjent.
Lil dawn il-persuni Musact qallhom li jekk kien hemm xi hadd daħak bihom, joħorgu jivvutaw u jagħzlu lil xi ħaddiehor minn dan il-Moviment. Lil dawn il-persuni Muscat iggarantilhom li qed jismagħhom u jifimhom.
“Se nuru li tgħallimna mill-iżbalji tagħna u nisimgħu mill-poplu dwar governanza u ambjent. Se nagħmlu sforz bla preċedent biex insolvu l-problema tal-housing li ħalla ħaddiehor” qal Muscat.
Żied jgħid li mhux biżżejjed li wieħed ma jivvutax għal koalizzjoni ta’ konfuzjoni.
Il-Mexxej Laburista qal li tbeżbiża ma tingħatax billi wieħed jibqa’ d-dar, għaliex hekk jissogra dak kollu li nkiseb. Qal li fit-tlieta ta’ Ġunju li ġej, id-dover ta’ kull min iħobb lil pajjiżna huwa li joħrog jivvota għall-kandidati kollha tal-Partit Laburista. Dan anke għaliex hemm għażla ċara bi proposti mhux mitfugħa bl-addoċċ, bħal ta’ haddiehor. Iżda proposti realistici u li kulħadd jaf li se jitwettqu. Ma hemmx dubju f’ moħħ hadd li kif żammejt kelmti f’ dawn l-erba’ snin, se jerġa’ jżomm kelmtu jekk il-Partit Laburista jerġa’ jingħata l-fiduċja.
Fi kliem il-Mexxej Laburista:
“Kif żammejt kelmti fuq il-kontijiet, se nerġa’ nżomm kelmti fuq li nagħtu lura l-vaganzi.
Kif żammejt kelmti fuq iċ-childcare, se nerga’ nzomm kelmti fuq bonus ieħor għal kull ħaddiem u self employed.
Kif żammejt kelmti fuq il-first time buyers, se nerġa’ nżomm kelmti fuq il-housing.
Kif żammejt kelmti fuq l-istipendji, se nerga’ nzomm kelmti fuq it-tneħħija tat-taxxa għal min igib Masters u PhD.
Kif żammejt kelmti fuq it-tnaqqis tat-taxxi, nerġa’ nzomm kelmti fuq li nżidu l-pensjonijiet.
Kif żammejt kelmti fuq il-qalba minn HFO għal gas, nerġa’ nżomm kelmti fuq li nagħmlu t-toroq kollha ta’ pajjiżna.
Kif żammejt kelmti meta salvajna l-Enemalta, se nerġa’ nzomm kelmti li nagħtu futur lil Airmalta.
Kif żammejt kelmti meta tajna l-flus tal-VAT fuq il-karozzi lura, se nerġa’ nzomm kelmti ma’ tal-korpi, xatt, pulizija, pensjonanti oħrajn u l-investituri tal-property fund.
Kif żammejt kelmti meta neħħejna l-medicini out of stock, se nerġa’ nżomm kelmti li nagħtu l-mediċini kollha tal-kanċer b’ xejn.
Kif żammejt kelmti meta għalaqna l-power station tal-Marsa u t-tankijiet ta’ Birżebbugia, nerga’ nzomm kelmti li nagħlqu l-impjant ta’ Wied il-Għajn.
Kif żammejt kelmti meta ħibna lejn Għawdex l-iskola medika, nerġa’ nżomm kelmti dwar it-tunnel bejn Għawdex u Malta.
Kif żammejt kelmti fuq it-tablets, nerġa’ nzomm kelmti fuq trasport pubbliku b’ xejn għat-tfal, studenti, pensjonanti u persuni b’ diżabilta’.
Kif żammejt kelmti dwar xogħol għal persuni b’ dizabilita’, nerga’ nzomm kelmti għal djar għal persuni b’ diżabilita’.
Kif żammejt kelmti mall-clubs tal-football, nerġa’ nżomm kelmmti dwar il-korsa tal-motorsport.
Kif żammejt kelmti dwar l-Unjoni Ċivili li fuqha ħaddiehor astjena, nerġa’ nżomm kelmti dwar żwieg indaqs.
Kif żammejt kelmti li niddefendi u naħdem bla waqfien biex inġib il-ġid u x-xogħol għal pajjiżna, nerġa’ nżomm kelmti li nġib aktar ġid u aktar xogħol.
Kif żammejt kelmti li sirna l-Aqwa fl-Ewropa, nerġa’ nzomm kelmti li nsiru l-għira tad-dinja.”
