Bidu mill-aqwa għal Marsaxlokk fl-ewwel logħba tal-istaġun hekk kif huma r-reġistraw rebħa kbira fuq l-promossi Naxxar Lions, rebħa ta’ 5 – 1. Minkejja dan ir-riżultat iebes, il-prestazzjoni tal-lions ma’ kienitx negattiva u kien hemm ħinijiet fejn anke huma attakkaw lix-Xlukkajri.
L-ewwel azzjoni waslet wara seba’ minuti meta minn free-kick ta’ Gary Camilleri għal Marsaxlokk, Obonogwu minn taħt il-lasta bir-ras xeħħet barra. Mal-kwarta logħob Marsaxlokk marru fil-vantaġġ meta din id-darba Obonogwu provda u Yuri Messias b’xutt mill-ewwel sab ix-xibka għal 1 – 0.
Reazzjonali mill-ewwel tal-lions meta Maicon Da Souza fajjar xutt fil-baxx li ħareġ l-aħjar tal-goalkeeper Drobnjak li salva tajjeb.
Fis-spazzju ta’ ftit minuti, Marsaxlokk resqu darbtejn lejn il-lasti difiżi minn Debono b’konklużjoni ta’ Aguirre u Messias li eventwalment ġew newtralizzati.
Ma’ ftit aktar min nofs siegħa logħob Neil Pace Cocks għal ftit ma’ ġabx id-draw għal Naxxar iżda x-xutt tiegħu għadda jħakkek mal-lasta. Dan sabiex Marsaxlokk fil-38 minuta għamluhom 2 – 0 meta minn azzjoni mibdija minn free-kick, d-difiża ta’ Naxxar naqset milli tikklerja u l-ex Gżira Nikolai Muscat spara fix-xibka biex sat-tmiem l-ewwel taqsima r-riżultat ma’ inbidilx.
Marsaxlokk ħadu ftit inqas minn għaxar minuti fit-tieni taqsima sabiex għamlu ċert mit-tlett punti bit-tielet gowl tagħhom f’azzjoni mibdija minn Messias u konkluża minn Gomes Junior.
Naxxar wieġbu b’gowl erba’ minuti biss wara meta Moreira Da Silva qassam lejn Serve De Carvalho li ma’ falliex għal 3 – 1.
Sat-tmiem il-partita Marsaxlokk irnexxilhom jiskorjaw darbtejn oħra. Fil-70 minuta s-sostitut Akinbule minn free-kick fajjar xutt b’saħtu li ntemm fix-xibka u minuta mit-tmiem Yuri Messias kompla jfakkarna fil-kwalitajiet li jipposedi meta mill-viċin ma’ falliex l-mira għal skor finali ta’ 5 – 1.
Referee: Slobodan Petrevic
BOV Plejer tal-Logħba: Yuri Messias (Marsaxlokk)
