Il-President tal-Istati Uniti Joe Biden ħeġġeġ lill-Amerikani biex isemmgħu leħinhom kontra l-mibegħda, huwa sostna li ma nistgħux nibqgħu siekta quddiem atti razzisti.
Biden għadda dawn ir-rimarki meta ltaqa’ mal-mexxejja tal-komuntajiet Asjatiċi-Amerikani f’Georgia, wara l-attakk li seħħ nhar it-Tlieta li għadda f’ħanut tal-messaġġi li ħasad il-ħajja ta’ tmien persuni, fosthom sitt nisa Asjatiċi.
Il-pulizija Amerikana għadha ma qalitx x’kien il-mottiv tal-isparatura, madanakollu dan seħħ waqt li komunitajiet Asjatiċi fl-Amerika qed ikunu fil-mira ta’ attakki razzjali.
