Il-President Amerikan Joe Biden flimkien ma’ martu Jill Biden żaru Robb Elementary School, l-iskola li fl-24 ta’ Mejju ħasdet lid-dinja bil-qtil ta’ dsatax-il tifel u tifla u żewġ għalliema.
Biden u martu waqqfu mal-familjari tal-vittmi filwaqt li qraw isem kull vittma hekk kif twaħħlu kartelluni kbar bir-ritratti tagħhom.
REKLAM
SKROLLJA BIEX TKOMPLI
Fost ir-reazzjoni ta’ dawk preżenti spikkat l-karba lill-gvern Amerikan sabiex jagħmel xi ħaġa, dan fid-dawl li l-każ kompla jġib aktar pressjoni sabiex il-liġijiet li jikkontrollaw l-użu tal-armi tan-nar fl-Istati Uniti jsiru aktar effettivi.
