Illum qed issir il-maratona ta’ ġbir ta’ fondi li d-Dar tal-Providenza qed torganizza li se tibqa’ sejra sa nofsillejl. Din il-maratona qed tixxandar fuq l-istazzjonijiet ewlenin.
Fi stqarrija d-Dar tal-Providenza qalet li l-maratona qed issir minflok il-Maratona tal-Volleyball li din is-sena, bħas-sena l-oħra, ma kienx possibbli ssir minħabba l-pandemija tal-COVID-19.
Hija sostniet li l-fondi li jinġabru minn din il-maratona se jintużaw biex fost oħrajn ikun jista’ jitnieda proġett ta’ immodernizzar ta’ erba’ flettijiet f’Villa Papa Giovanni biex kull persuna jkollha ambjent dejjem aktar dinjituż bħal bi kmamar personali mgħammra bis-servizzi meħtieġa.
Wieħed jista’ jċempel fuq dawn in-numri sabiex jagħti donazzjoni, b’risq id-Dar ta’ Providenza:
5160 2011 għal donazzjoni ta’ €10
5170 2012 għal donazzjoni ta’ €15
5180 2013 għal donazzjoni ta’ €25
5190 2070 għal donazzjoni ta’ €50
SMS fuq 5061 8944 għal donazzjoni ta’ €7
2146 2686 għal min irid jagħti pleġġ.
BOV Mobile Pay – 7932 4834
Apparti minn hekk fil-parkeġġ tas-Siġġiewi hemm drive-through għal dawk li jixtiequ jiġu jagħtu d-donazzjoni tagħhom.
Wieħed jista’ jsib aktar dettalji, fuq dan is-sit: www.sabihlitagħti.com
