Bosta rħewlha għaż-Żejtun biex jitlaqqmu kontra l-Covid-19 fil-klinika mobbli li ntramat apposta fil-pjazza fejn il-Knisja.
Ritratti ta’ ONE News jixhdu kif reġa’ hemm konkorrenza għat-tilqim fl-irħula hekk kif mit-Tnejn li għadda beda t-tilqim mingħajr appuntament u anki klinika li ddur minn post għall-ieħor qed tmur fil-lokalitajiet madwar il-pajjiż.
Nhar it-Tnejn kważi 2,500 ruħ tlaqqmu kontra l-Covid-19 f’jum li din il-klinika kellha tkun miftuħa sa nofsinhar iżda baqgħet toffri servizz minħabba d-domanda qawwija.
Pajjiżna għandu l-ogħla rata ta’ tilqim kontra l-Coronavirus fosthom anki fost etajiet żgħar.
Malta diġà laqqmet kompletament kontra l-Coronavirus aktar minn 80% tal-popolazzjoni adulta.
