Beyonce u r-raġel tagħha Jay Z għadhom kif ħabbru li se jkollhom tewmin. Dan wara li ħarġet ritratt fuq Instagram b’messaġġ li jgħid “ġejna mbirkin darbtejn. Ninsabu ferm grati li l-familja tagħna se tikber b’żewġ membri oħra.”
Tul dawn l-aħħar xhur il-midja mhux l-ewwel darba li spekolat li Beyonce kien se jkollha tarbija wara li bosta kkummentaw fuq iż-żieda fil-piż, iżda Beyonce u Jay Z ma rrispondew għall-ebda għidut. Ir-ritratt li poġġiet tant kiseb ‘qlub’ fuq Instagram li qed jitqies bħala l-aktar ritratt li ntogħġob wara li ftit xhur ilu kienet Selena Gomez li ngħatat l-unur li jkollha l-aktar ritratt bi ‘qlub’ fuq Instagram.
Il-koppja famuża mondjali għandhom tifla waħda bl-isem ta’, Blue Ivy, li għadha kif għalqet ħames snin.
