Fl-aħħar ġimgħat, diversi atturi bdew bl-impenn tagħhom għal ġbid ta’ sensiela komika ġdida li ser tixxandar fuq ONE fl-iskeda tal-ħarifa li jmiss. Din is-sensiela għall-ewwel darba u esklussivament għas-segwaċi ta’ ONE, ser tkun qed tagħti ħajja televiżiva lil personalità Maltija. Personalità Maltija li forsi tul bosta snin, ħafna segwew fuq il-palk iżda żgur mhux fuq it-televiżjoni.
Fuq direzzjoni u kitba oriġinali ta’ Soraya Chetcuti, il-ġbid miexi ġmielu u bosta karattri maħluqa minn komiku Malti li llum m’għadux magħna, se jkunu qed jidħlu fid-djar tas-segwaċi ta’ ONE f’26 episodju mimli praspar u avventuri. Vince’tor Entertainment huma l-imħuħ wara din il-produzzjoni b’atturi veterani u familjari mas-segwaċi u oħrajn friski u aktar ġodda.
Il-ġbid ta’ din is-sensiela komika ġdida, qed iseħħ f’diversi lokazzjonijiet, għaldaqstant illum one.com.mt qed jippublika l-ewwel xeni waqt il-ġbid ta’ din is-sensiela filwaqt li fil-ġimgħat li ġejjien se nkunu qed nippublikaw aktar informazzjoni dwar din is-sensiela li se tasal fid-djar ta’ bosta Maltin u Għawdxin mill-Ħarifa.
Min taħsbu li hi din il-personalità, parti mill-istorja teatrali Maltija?
