Fl-ewwel ħames xhur ta’ din is-sena, l-pubbliku Malti ra l-iktar il-film Beauty and the Beast. Film li kien ibbażat fuq l-istorja tant popolari ta’ Disney tal-bestja u s-sabiħa. B’dan il-film issa sar ir-raba’ l-aktar film li kellu dħul hawn Malta. Fl-ewwel post jibqa’ l-film li għadu popolari sal-lum-il ġurnata Titanic, segwit minn The Passion of the Christ u Avatar.
Il-kritiku tal-films, Mario Azzopardi, qal li dan il-film kien segwit minn Fast & Furious 8 li minkejja li dan il-film huwa t-tmien wieħed minn din is-sensiela ta’ films li hija popolari ferma ma’ min hu dilettant tal-karozzi, xorta waħda kien wieħed mill-aktar segwiti mill-Maltin.
Ma setgħax jonqos li fuq il-lista jkun hemm ukoll Fifty Shades Darker, li għalih kien hawn stennija liema bħalha segwit minn Assassin’s Creed u Sing.
