L-attakki li ħasdu d-dinja, propju llum 11 ta’ Settembru, 15-il sena ilu – L-attakki magħrufa bħala 9/11 li kienu serje ta’ erba’ attakki suwiċida fil-belt ta’ Washington u New York, l-Istati Uniti. Ħafna jqisu dan l-attakk pjanat b’dettall bħala wieħed mill-akbar attakki li qatt saru fl-aħħar snin. Kien il-grupp militanti al-Qaeda li wettaq l-attakki 9/11, wara li rnexxielu jaħtaf erba’ ajruplani tal-passiġieri li telqu minn Boston, Newark u Washington u kienu fi triqthom lejn San Francisco u Los Angeles.
Kien propju l-mument meta l-militanti kraxxjaw l-ajruplani fit-Twin Towers tal-World Trade Center li madwar 3000 persuna tilfet ħajjitha, numru li seta’ kien akbar, li kieku l-passiġġieri abbord ir-raba’ ajruplan ma pruvawx jieħdu kontroll tal-ajruplan, li aktarx kellu fil-mira tiegħu l-White House.
15-il sena wara, jibqa biss il-memorja ta’ dik li ħafna xtaqu li kienet biss ħolma kerha. Hekk kif illum nfakkru l-ħajja ta’ dawk il-vittmi li ħarġu mid-dar iżda ma rritornawx lura, wieħed jistaqsi u jaħseb dwar l-attakki terroristiċi li qed jaħsdu l-ħajja ta’ nies inoċċenti ta’ kuljum.
Fuq Twitter, huma bosta dawk li kitbu dwar dawn l-attakki, u li użaw il-hashtag ‘NeverForget’.
9/11 changed everything. We will #NeverForget -JM
— Joseph Muscat (@JosephMuscat_JM) September 11, 2016
Jekk segwejtx dak li kien qed jiġri fuq l-aħbarijiet, jekk kontx hemm preżenti qalb il-paniku tal-mument jew jekk kont għadek lanqas biss twelidt, żgur li taf dwar dan l-attakk u li dawn ir-ritratti se jeħduk lura u jgħinuk tifhem dak li għaddew minnu l-familjari u n-nies li kienu fuq il-post.
It-tfal ta’ dan il-ħaddiem ta’ salvataġġ iħallu lil missierhom li tilef ħajtu matul l-attakki,messaġġ ta’ mħabba.
Mara tibki lil persuna qrib tagħha u li tilfet ħajjitha f’dawn l-attakki.
Barack Obama jsellem lill-vittmi li tilfu ħajjithom matul l-attakki
Sam Pulia, s-sindku ta’ Westerchester u eks-pulizija jsellem lil kuġinuh li tilef ħajtu f’9/11
