Il-coach tat-team nazzjonali malti tal-Basketball tal-irġiel Alan Walls sejjaħ skwadra ta’ 14-il plejer bi preparazzjoni għall-Kampjonat Ewropew FIBA għall-Pajjiżi ż-Żgħar li se jsir fil-Kumpless tal-Basketball f’Ta’ Qali bejn it-28 ta’ Ġunju u t-3 ta’ Lulju li ġej.
Malta se tkun qed tilgħab kontra Andorra u Azerbaijan fi Grupp A, filwaqt li fi Grupp B se jieħdu sehem Armenja, Gibilta’ u San Marino.
It-team malti huwa taħlita ta’ plejers li ji;għabu f’Malta u anke f’kampjonati barra minn xtutna.
Iċ-Champions il-ġodda Starlites Naxxar huma rappreżentati minn erba’ plejers: l-aħwa Alec u Ian Felice Pace, Kurt Xuereb and Matthew Scerri. Magħhom hemm erba’ plejers oħra li jilgħabu fil-kampjonat malti. Dawn huma Isaac Bonett (Mellieha), David Bugeja (Hibernians), Miguel Brincat (Depiro) u Nathan Xuereb (Gzira Athleta).
Is-sitt plejers li jilgħabu barra huma Aaron Falzon (Traiskirchen Lions Awstrija), Tevin Falzon (Vigor Basket Matelica Italja), Kurt Cassar (Talos Basketball Ruvo Italja) Samuel Deguara (Taiwan Beer HeroBears), Nelson Kahler (Sunshine Coast Phoenix, Awstralja) u Jack Zammit (Gustavus Adolphus College, USA).
Malta tilgħab kontra l-Azerbaijan fit-28 ta’ Ġunju u kontra Andorra jumejn wara.
Il-kwalifikazzjoni għas-semi-finali isiru fl-1 ta’ Lulju segwieti mis-semifinali fit-2 ta’ Lulju.
Il-final tintlagħab fit-3 ta’ Lulju
TEAM MALTI
Isaac Bonett (Mellieha); Miguel Brincat (Depiro); David Bugeja (Hibernians); Kurt Cassar (Talos Basketball Ruvo, Italy); Samuel Deguara (TaiwanBeer HeroBears, Taiwan); Alec Felice Pace, Ian Felice Pace, Matthew Scerri, Kurt Xuereb (all Starlites); Aaron Falzon (Traiskirchen Lions, Austria); Tevin Falzon (Vigor Basket Matelica, Italy); Nelson Kahler (Sunshine Coast Phoenix, Australia); Nathan Xuereb (Gzira Athleta); Jack Zammit (Gustavus Adolphus College, United States).
𝐇𝐄𝐀𝐃 𝐂𝐎𝐀𝐂𝐇: Alan Walls
𝐀𝐒𝐒𝐈𝐒𝐓𝐀𝐍𝐓 𝐂𝐎𝐀𝐂𝐇𝐄𝐒: Roderick Vella, Kristen Baldacchino
(Ritratt: FIBA)
