Fit-tieni logħba tal-Ħadd fit-Tony Bezzina Stadium, iltaqgħu Balzan u Mosta fejn xejn għajr minn tlett punti ma’ kienu jissodisfaw lill-kwalunkwe tim hekk kif il-pużizzjoni tagħhom fil-klassifika mhijiex waħda tajba.
Balzan irnexxilhom jieħdu t-tlett punti mill-konfront grazzi għaż-żewġ goals skorjati mis-Serb Aleksa Andrijic.
Wara taqsima mingħajr goals, Balzan irnexxilhom jmorru fil-vantaġġ mal-ftuħ tat-tieni taqsima permezz ta’ Andrijic. Mosta pruvaw jwettqu reazzjoni madankollu Balzan żammew sodi sal-aħħar tant li fl-aħħar ħames minuti irnexxilhom jagħmlu ċert mit-tlett punt b’goal ieħor ta’ Aleksa Andrijic biex b’hekk dan tal-aħħar wettaq doppjetta personali.
B’hekk Balzan ir-ritornaw għar-rebħ wara draw u telfa rispettivament.
B’din ir-rebħa Balzan tellaw weħidhom fil-tmien post tal-klassifika tal-Kampjonat Premier b’total ta’ 17 il-punt, punt taħt Hibernians u sitta fuq Gzira, Valletta u Mosta.
Referee: Fyodor Zammit
