Wirja tajba fl-ewwel taqsima waslet għal rebħa ta’ Balzan fuq Floriana bl-skor ta’ 3 – 1 fit-tieni partita tal-Ħadd fl-Stadium Nazzjonali f’Ta’ Qali.
Balzan fetħu l-iskor propju mal-ftuħ tal-partita meta kien l-plejer Aleksa Andrejic li qabbeż il-ballun minfuq il-goalkeeper Duncan Formosa u għamel l -iskor 1-0 kmieni fil-konfront.
Fit 23 minuta Balzan għamlu l-iskor 2-0 meta kien Andrejic li provda l-kross li spiċċa għand Bojan Kaljevic li b’daqqa ta’ ras qabbeż l-ballun minfuq l-goalkeeper, bil-ballun jispicca fix-xibka u l-skor 2 – 0.
Floriana wieġbu b’free-kick ta’ Ulises Arias li għadda barra.
Balzan għamlu l-iskor 3-0 sitt minuti minn tmiem l-ewwel taqsima meta Kaljevic għadda ballun lejn Angel Torres li mill-viċin tefa’ l-ballun wara l-goalkeeper Furjaniz.
Eżatt qabel tmiem l-ewwel taqsima Balzan kienu perikolużi għal darba oħra meta Mattheus Souza għadda ballun lejn Andrejic, bix-xutt ta’ dan ta’ l-aħħar kien imblukkat mill-goalkeeper ta’ Floriana Formosa.
Fl-ewwel azzjoni tat-tieni taqsima Floriana naqsu il-marġni ta’ l-iskor meta kien s-sostitut Lorenzo Trillo li wara kross ta’ Adam Magri Overand kellu x-xutt angolat tiegħu li spiċċa fix-xibka.
Fil-69 minuta korner ta’ Ulesis Arias ta’ Floriana kien imblukkat mil-goalkeeper Jonathan Debono.
Lejn t-tmiem Floriana spiċċaw b’plejer anqas meta tkeċċa ghalihom Emiliano Callegari wara foul fuq Alex Satariano.
Referee: Philip Farrugia
Plejer tal-logħba: Aleksa Andrejic (Balzan)
