Balzan kisbu l-ewwel rebħa tal-istaġun meta għelbu lil Naxxar Lions bl-iskor ta’ 2-0, biż-żewġ goals għalihom jaslu kmieni fl-ewwel taqsima. Iktar rimarkabbli din ir-rebħa għal Balzan meta wieħed iqis il-fatt li lagħbu għal taqsima u nofs bi player inqas wara li fid-29 minuta tkeċċa għalihom il-player Jan Busuttil.
Balzan fetħu l-iskor wara biss erba’ minuti meta Nikola Zerjal xeħet cross għan-nofs u ALEXANDER AKPAN għeleb lil Matthais Debono b’xutt għar-rokna tax-xibka.
Żewġ minuti biss wara Balzan irduppjaw l-iskor meta xutt ta’ Zerjal ġie salvat parzjalnent minn Debono u mir-rebound MOSAWER AHADI tefa’ ġewwa permezz ta’ xutt angulat.
Fis-16-il minuta xutt fil-baxx ta’ Degran Jackson għal Naxxar ġie salvat tajjaeb mill-goalkeeper ta’ Balzan, Danilo Golovic.
Dan sabiex fid-29 minuta Balzan spiċċaw jilagħbu b’għaxar players meta tkeċċa għalihom il-player Jan Busuttil wara li rċieva żewġ karti sofor fil-partita, bit-tieni karta safra jirċeviha wara foul li wettaq fuq Sergio Nascimento.
Naxxar wieġbu fid-39 minuta meta Westherley għadda tejjeb lejn Frederico Lima li b’eleganza kellu t-tentattiv tiegħu bit-takkuna jintemm ftit barra. Fil-45 minuta xutt angulat ta’ Neil Pace Cocks dejjem għal-Lions ħabat max-xibka minn barra biex ta l-illużjoni tal-goal.
Naxxar komplew fuq l-offensiva u fil-50 minuta xutt fil-baxx ta’ Sergio Nascimento ġie salvat minn Golovic mingħajr diffikultá. Huma komplew jippressaw u minuta wara Yamaguchi avvanza tajjeb iżda pront kien Williams li ddevja l-ballun f’corner. Balzan wieġbu fil-55 minuta meta Stanic serva fuq platt tal-fidda lil Awasanya li kellu x-xutt fil-baxx tiegħu jintemm ftit barra.
Huma reghu ħolqu l-periklu fil-75 minuta meta minn azzjoni ta’ corner mogħti minn Triston Caruana, Mosawer Ahadi kellu d-daqqa ta’ ras tiegħu mill-viċin li ntemmet ftit barra.
Naxxar irrispondew proprju fid-90 minuta meta s-sostitut Gustavo Barbosa avvanza tajjeb iżda x-xutt b‘saħħtu tiegħu ntemm barra.
Referee: Fyodor Zammit
Plejer tal-Logħba: Nicholas Pulis (Balzan FC)
