Il-Gvern huwa impenjat li fil-Baġit għas-sena d-dieħla t-tkabbir mhux biss ikompli jissaħħaħ imma li dan jitgawda mill-familji Maltin u Għawdxin; bil-għan li dawn jgħixu kwalità ta’ ħajja aħjar.
Hekk sostna l-Ministru għall-Finanzi Edward Scicluna waqt il-laqgħa ta’ konsultazzjoni pubblika li qed tittellgħa bħalissa fiċ-Ċittadella Għawdex. L-Ministru fisser kif is-surplus li rnexxielu jikseb pajjiżna huwa frott l-għaqal ta’ dan il-Gvern li jibbilanċja il-kotba. Għaqal li qed iwassal sabiex jitnaqqas id-dejn; filwaqt li l-familji jkomplu jgħixu ħajja aħjar.
