F’dawn l-aħħar xhur MissioMalta b’entużjażmu kienu qed jaħdmu fuq proġett eċitanti. F’kollaborazzjoni ma’ Stephen Formosa il-programm ‘Dinja Mutur’ jitratta sewwieq ta’ mutur li għadu kif wasal minn vjaġġ waħdu fl-Afrika f’missjoni li jdur ma’ 3 kontintenti bil-Mutur. Din l-avventura ġiet iffilmjata biex tixxandar fuq ONE kull nhar ta’ Tlieta u Ħamis fit-8:30pm.
Tul dan il-vjaġġ, apparti l-avventura nnifisha, lil Stephen ser narawh idur diversi villaġġi fejn saru proġetti appoġġjati minn Missio. B’dan il-programm ser inkun qed nesperjenzaw u naraw il-flus li nvestew il-Maltin u l-Għawdxin f’proġetti u inizjattivi għall-missjoni.
Il-programm se ikollu preżentazzjoni ta’ Robert Farrugia u produzzjoni ta’ l-istess Robert Farrugia flimkien ma’ Dorianne Mamo f’isem Missio Malta. Tista’ tappoġġja dan il-programm billi żżur: www.missio.org.mt
