Attriċi u Direttur tal-films Russi rritornaw fid-dinja wara li għamlu 12-il ġurnata fl-istazzjon spazjali sabiex jiġbdu xeni tal-ewwel film fl-ispazju.
F’filmati li ntwerew direttament dehru Yulia Pereslid u Klim Shipenko jinżlu lura fid-dinja fil-Kazakistan.
Huma ġew lura permezz ta’ vettura spazjali misjuqa minn Oleg Novitsky, li ilu jaħdem fl-istazzjon unternazzjonali tal-ispazju għal dawn l-aħħar sitt xhur.
Huma telqu biex jaħdmu dan il-film, li se jkun jismu ‘The Challenge’.
Qed ikun imbassar li dan il-film se jaqbeż film ieħor ta’ Hollywood li tħabbar is-sena l-oħra bl-isem ta’ “Mission Impossible”, b’kolloaborazzjoni ta’ Tom Cruise, l-IspaceX ta’ Elon Musk u n-NASA.
L-istorja tal-film tittratta kirugu li jmur fl-istazzjon tal-ispazju sabiex isalva ħaddiem li jaħdem hemmhekk.
Qed jingħad li fil-film se jieħdu sehem ħaddiema tal-istazzjon spazjali.
Waqt il-ġbid ta’ dan il-film, il-ħaddiema ltaqgħu ma’ xi ntoppi, fosthom il-vettura li kienu se jirritornaw biha ħadet in-nar.
