Il-Mijiet li ta’ kull sena jżuru l-festa ta’ Santa Marija fil-Mosta se jaraw spettaklu kompletament ġdid nhar l-10 ta’ Awwissu bħala tentattiv li jinkiser rekord nazzjonali tal-ikbar struttura tan-nar f’pjazza pubblika. Spettaklu li żgur se jqanqal l-emozzjonijiet mhux biss tal-Mostin, iżda kull min hu dilettant tal-festi.
Il-15 t’Awissu ħafna jistennewh biex jieħdu pawża ta’ ftit jiem mix-xogħol, iżda l-Mostin ikunu ilhom sena jistennew il-ġimgħa fejn jagħtu ġieħ xieraq lil Santa Marija.
Bil-Għan li jinkiser rekord nazzjonali tal-ikbar struttura piroteknika armata fi pjazza, il-każin Santa Marija tal-Mosta se jagħti spettaklu mhux tas-soltu. Żorna s-sit fejn bħalissa għaddejjin il-preparamenti meħtieġa għal dan l-ispettaklu tan-nar tal-art. Spettaklu li se jsegwi ħarqa tradizzjonali.
