Attakki ġodda bl-ajru mir-Russi laqtu bliet madwar l-Ukrajna

Ir-Russja nediet missili mmirati madwar l-Ukrajna, minn Kharkiv fit-tramuntana, sa Odesa fin-nofsinhar u Zhytomyr fil-punent tal-pajjiż.

F’Kharkiv u Odesa ġew milquta bini u s-sistemi ta’ infrastruttura, u hemm qtugħ ta’ dawl f’diversi żoni. Hemm ukoll rapporti ta’ attakki fuq il-kapitali Kyiv.

Riżultat ta’ dawn l-attakki, intilfet ukoll il-provvista tal-enerġija elettrika fl-impjant tal-enerġija nukleari f’Zaporizhzhia, liema zona hija kkontrollata mir-Russja.

Dan fil-kuntent li qed ikompli l-ġlied qalil biex ir-Russi jiksbu kontroll tal-belt Bakhmut fi Lvant tal-Ukrajna.

_{Ritratt: Reuters}