Atletika: Suċċess għall-Intersport 10k & 5k fil-Kottonera

Is-Serje Intersport 10k u 5k rat l-ewwel tiġrija tas-sena ospitata fit-Tliet Ibliet, fejn 300 atleta ħadu sehem fid-distanzi tal-10k u l-5k, b’dawn tal-aħħar urew li huma popolari daqs it-tiġrija tal-10k.

L-attività bdiet fil-Birgu u rotta ħadet l-atleti tul ix-xatt tal-Birgu lejn Bormla u l-Isla. Il-kundizzjonijiet imxarrba raw ħafna atleti jieħdu approċċ kawt biex jevitaw li jweġġaw prinċipalment minn dawk li qed jimmiraw li jkunu parti minn Team Malta fil-Logħob tal-Pajjizi ż-Żgħar tal-Ewropa li ser jsiru f’Ġunju f’Malta. Madankollu t-tellieqa xorta pprovdiet azzjoni eċċitanti partikolarment hekk kif l-atleti dehru lejn il-linja finali.

Tellieqa 5km

Ma kien hemm l-ebda sorpriża f’din id-distanza hekk kif Dillon Cassar mar fuq quddiem u żamm postu matul it-tellieqa kollha biex rebaħ f’15:35. Warajh saw dwell bejn Kurt Dalli u Mark Herrera li t-tnejn kienu ras imb’ras fl-aħħar metri qabel il-linja finali. B’inqas minn sekonda tifred lil Dalli u Herrera, kien Dalli li kiseb it-tieni post.

Il-kategorija femminili intrebħet minn Joelle Cortis. Cortis ħadet vantaġġ komdu biex spiċċat r-rotta ta’ 5km f’17:48. Fit-tieni post spiċċat Marija Cumbo, li kienet segwita minn Rosalie Borg Cauchi li kompliet il-podju tan-nisa fit-tielet post.

Tellieqa 10km

Aaron Mifsud, atleta t’esperjenza, immarka d-debutt tiegħu f’din il-korsa b’prestazzjoni soda, fejn hu ħa l-vantaġġ mill-bidu nett tat-tellieqa.  Huwa spiċċa t-tellieqa fi 32:57. Simili għas-sitwazzjoni tat-tellieqa ta’ 5 km,  Marko Bezzina u Ian Camilleri taw spinta determinata fil-linja finali, it-tnejn jimmiraw għat-tieni post. Fl-aħħar kien Bezzina li għeleb lil Camilleri biex ħa t-tieni u t-tielet post rispettivament.

Josanne Attard Pulis rebħet il-kategorija femminili fi 38:59. Attard Pulis kienet is-sitt atleta overall, li spiċċat it-tellieqa ta’ 10km. Ingħaqdu magħha fuq il-podju Vanessa Camilleri fit-tieni post u Christiana Borg fit-tielet post.

Trophies u premjijiet lir-rebbieħa Overall u Age Group ġew ippreżentati immedjatament wara t-tellieqa mid-Direttur tat-Telieqa Charlie Demanuele.

L-organizzaturi esprimew il-gratitudni tagħhom lejn il-Kunsilli Lokali tal-Birgu,  Bormla u l-Isla, Transport Malta u l-Pulizija tad-Distrett u Intersport għall-appoġġ u l assistenza tagħhom għal dan l-avveniment.

It-tellieqa li jmiss tal-Intersport 10k Series se ssir fit-23 ta’ April fil-Maqluba. L-atleti jistgħu jagħżlu bejn distanza ta’ 5km jew 10km u r-reġistrazzjoni hija miftuħa permezz ta’ din il-link –https://10kseriesmalta.com/product/maqluba-2023/

2023 Intersport 10k Series Race Results – Rebbieħa Overall

2023 Intersport 10k Series Race Results – Rebbieħa Gruppi tal-Eta