L-Astronawta Taljan Luca Parmitano bħalissa jinsab fl-istazzjon internazzjonali tal-ispazju.
Minkejja dan, ma ħalliex din id-distanza twaqqfu milli jkun preżenti fuq cruiseliner.
U dan mhux biss, hekk kif l-astronawta għamilha ta’ DJ waqt il-cruise li bħalissa qiegħed idur il-Mediterran.
Parmitano ħa lezzjonijiet qabel ma ħareġ mill-atmosfera ta’ din id-dinja apposta sabiex ikun jista’ jdoqq waqt dan il-festival fuq l-ilma.
B’hekk Parmitano qed jitqies bħala l-ewwel persuna li qatt daqq fl-istazzjon internazzjonali tal-ispazju.
L-astronawta stqarr li xtaq jiċċelebra l-lingwa komuni bejn ħafna li hija l-mużika.
