Żewġt irġiel ta’ erbgħa u tletin sena u tmienja u tletin sena, ġew arrestati b’rabta ma’ pussess u traffikar ta’ droga.Huma kienu arrestati għall-ħabta tal-4:30 ta’ dalgħodu f’parkeġġ fi Triq Sarrija fil-Furjana.
Minn tfittxija li saret, fuq ir-raġel ta’ erbgħa u tletin sena li joqgħod Bormla u fil-vettura tiegħu instabu madwar 25 qartas b’sustanza aktarx droga eroina. Fuq ir-raġel ta’ 38 sena, li joqgħod Ħal Tarxien, ġie elevat qartas b’sustanza x’aktarx droga sintetika.
Bil-każ ġiet infurmata l-Maġistrat tal-Għassa, Doreen Clarke, li ordnat inkjesta, filwaqt li l-investigazzjonijiet tal-Pulizija għadhom għaddejjin.
