Mara ta’ 30 sena mill-Imsida kienet arrestata fl-akwati tal-Pixkerija fil-Belt wara li nqabdet bi 72 pakkett ta’ droga kokaina u eroina.
Il-każ seħħ għall-ħabta ta’ l-10:30 ta’ filgħodu.
Il-mara ittieħdet fil-lock-up tal-Pulizija fil-Floriana għal aktar stħarriġ.
Bis-sejba kien infurmat il-Maġistrat tal-Għassa Dr Ian Farruġia li qiegħed imexxi inkjesta.
Il-mara mistennija titressaq il-Qorti għada u tkun akkużata bil-pussess tad-droga eroina u kokaina, bl-intenzjoni li titraffika d-droga.
