Raġel ta’ 37 sena miż-Żebbuġ ġie arrestat wara sejba ta’ droga f’Għawdex.
Ħidma mill-Iskwadra ta’ kontra d-Droga f’Għawdex, waslet biex jiġi arrestat raġel li rriżulta li kellu fuqu ammont ta’ qratas bi droga ssuspettata kokaina, lesti biex jiġu ttraffikati.
Bis-sejba ġiet infurmata l-Maġistrat tal-Għassa Dr. Joanne Vella Cuschieri fejn ħatret diversi esperti sabiex jassistuha fl-inkjesta.
Ir-raġel mistenni jitressaq il-Qorti ta’ Għawdex fil-jiem li ġejjin.
