Seba’ pulizija f’South Carolina, l-Amerika, sofrew ġrieħi u wieħed minnhom tilef ħajtu wara li raġel spara tiri fuqhom. Jidher li r-raġel kien qed iżomm xi tfal bħala ostaġġi fil-viċinanzi qabel ma ta lilu nnifsu lill-Pulizija u ttieħed l-Isptar.
Ir-raġel għadu ma ġiex identifikat, u għadu mhux magħruf x’kienet ir-raġuni wara l-attakk. Rapporti fil-midja qed jgħidu li t-tfal ittieħdu f’post sigur u ħadd minnhom ma weġġa’.
L-allegat aggressur qed jinżamm arrestat mill-Pulizija.
