Ħidma mit-Taqsima tad-Dwana fl-Ajruport Internazzjonali ta’ Malta wasslet għal sejba ta’ erbgħa u tlettin elf ewro fi flus mhux iddikjarati minn passiġġier li kien se jsiefer.
Il-passiġġier kien sejjer l-Amman fejn meta ġie mistoqsi minn uffiċjal tad-Dwana dwar kemm kellu flus, hu ddikjara li kellu tmient elef ewro iżda wara tfittxija nstab li kellu erbgħa u tlettin elf, mitejn u għoxrin ewro.
Il-Pulizija mit-taqsima ta’ kontra l-ħasil ta’ flus ġew infurmati fejn il-passiġġier ġie arrestat, b’għaxart elef ewro mill-flus mhux iddikjarati ġew irritornati lura għand il-passiġġier.
