Raġel minn Niġerja ġie arrestat wara li allegatament prova jdaħħal tliet kilò u nofs kannabis f’pajjiżna.
Ir-raġel, li wasal pajjiżna mill-ajruport ta’ Ciampino f’Ruma, twaqqaf mill-uffiċjali tad-dwana meta nstabulu 3 kilò kannabis.
Ir-raġel ingħadda f’idejn il-Pulizija u mistenni jitressaq il-Qorti fis-sigħat li ġejjin.
Din hija t-tielet qabda ta’ droga mid-dwana fi ftit ijiem, dan hekk kif matul din il-ġimgħa l-uffiċjali tad-dwana għamlu qabda ta’ aktar minn ħames tunellati droga raża tal-kannabis mill-Port Ħieles.
Dan filwaqt li l-bieraħ l-istess uffiċjali għamlu qabda oħra ta’ tmienja u erbgħin kilo droga kokaina.
