Raġel ta’ 29 sena ġie arrestat mill-Pulizija wara li l-pulziija qalet li fil-pussess tiegħu nstabu 39 borża droga aktarx kokaina u sustanza suspettata MDMA lesti biex jiġu ttraffikati, flimkien ma’ ammont ta’ flus kontanti.
Il-pulizija qalet li r-raġel ma obdiex l-ordinijiet tagħha u saħansitra aggredixxa l-pulizija u anki kkawżalhom ġrieħi ħfief.
Huwa kien arrestat għall-ħabta tat-3:13 tal-Erbgħa waranofsinhar fi Triq id-Daħla ta’ San Tumas, f’Wied il-Għajn.
Ir-raġel qed jinżamm mill-Pulizija għal aktar stħarriġ.
Kreditu: Uffiċċju tal-Komunikazzjoni, Il-Korp tal-Pulizija ta’ Malta
