L-arm wrestler malti Kersten Mercieca kompla bis-suċċessi tiegħu barra minn xtutna hekk kif fi tmiem il-ġimgħa irnexxielu jikklassifika fit-tieni post fil-kompetizzjoni East vs West f’Istanbul it-Turkija.
Mercieca kien qed jikkompeti fil-kategorija tal-91kg.
REKLAM
SKROLLJA BIEX TKOMPLI
Dak tal-lum isegwi suċċessi oħra li kiseb f’dawn l-aħħar xhur, l-aktar riċenti fl-Italja ftit tal-ġimgħat ilu.
Suċessi li qed jaslu minkejja li f’pajjiżna għad ma hawnx federazzjoni tal-Arm Wrestling hekk kif l-atleti li jipparteċipaw f’dan l-isport lokalment huma ftit. Dan in-nuqqas qed ifisser li Kersten Mercieca ikollu ifittex hu sabiex ikopri l-ispejjeż biex jikkompeti barra minn xtutna.
Filfatt dan l-aħħar Mercieca kien qed jagħmel appell għal aktar għajnuna u appoġġ.
