L-arm wrestler malti Kersten Mercieca kompla bl-impenji tiegħu hekk kif fil-ġranet li għaddew kellu l-ewwel kompetizzjoni uffiċjali minn kemm ilu li ingħaqad mal-federazzjoni taljana tal-Arm Wrestling.
Fix-xhur li għaddew, Mercieca ingħaqad mal- ‘Federazione Italiana Braccio di Ferro’ sabiex ikun jista’ jżied fl-opportunitajiet ta’ kompetizzjonijiet u taħriġ f’din id-dixxiplina sportiva.
Dan fid-dawl tal-fatt li f’Malta għad ma hawnx federazzjoni uffiċjali tal-Arm Wrestling u nuqqas kbir f’atleti li jipprattikaw dan l-isport.
L-ewwel kompetizzjoni għal Mercieca bħala plejer tal-federazzjoni taljana, kienet fil-komeptizzjoni prestiġġjuża bl-isem ta’ Super Match li attirat madwar 500 atleta.
Kersten Mercieca irnexxielu itemm fit-tieni post tal-kategorija 90kg u tilef biss kontra ċ-champion tal-Georgia Otar Tavartqiladze.
