Minħabba xandiriet speċjali li ONE prepara għal tmiem il-ġimgħa tal-Festa tar-Repubblika, ARANI ISSA ta’ din il-ġimgħa se jixxandar illum il-Ħamis 12 ta’ Diċembru, flok fil-ġurnata normali tiegħu tas-Sibt.
Fil-programm ta’ din il-ġimgħa, Joseph Chetcuti u t-tim tiegħu għal darb’oħra se jwasslulna programm mimli emozzjonijiet. Niltaqgħu m’omm u mara ta’ kuraġġ u ammirazzjoni kbira Claudette, kif ukoll ser napprezzaw il-ħlewwa, l-għaqal u l-kelma sabiħa ta’ Dun Ġorġ Dalli u bosta mistiedna oħra.
Iżda min huwa ż-żgħażugħ li ser jisraq il-qlub ta’ Malta kollha? Għaliex ommu Michelle nnominatu għall-ARANI ISSA u għaliex Joseph Chetcuti spiċċa bla kliem wara li sema’ l-istorja tant speċjali ta’ dan iż-żgħażugħ? u ċ-ċirasa fuq il-kejk, din il-ġimgħa, spettaklu mill-isbaħ flimkien mar-reġina tad-‘Drag’ Maltija Olivia Lilith! X’ser tiżvela waqt il-programm ARANI ISSA ta’ din il-ġimgħa?
ARANI ISSA jixxandar il-Ħamis fid-8:45pm fuq ONE
