Wara l-jiem tal-Milied, l-Istrina u anke l-aħħar jiem tas-sena 2024, ikomplu x-xandiriet u programmi speċjali li ONE se jkun qed iwassal lis-segwaċi tiegħu fl-ewwel jiem tas-sena l-ġdida. Infatti fl-1 ta’ Jannar, fid-9am il-kunċert imtella’ mill-banda Peace tan-Naxxar UNA NOTTE ITALIANA jwassalna sakemm tibda x-xandira tal-FESTA TA’ ĠENEROŻITA’ b’risq id-Dar tal-Providenza.
Għal ħin ta’ nofsinhar, ONE jingħaqad dirett mal-Vatikan għall-MESSAĠĠ TAL-PAĊI mill-Papa Franġisku. Fit-8:15pm f’Jum l-ewwel tas-sena, l-kunċert imtella’ mill-Aġenzija Kulturali għall-Belt Valletta: OPERA IN THE CAPITAL, filwaqt li l-ġurnata tintemm bl-għeluq tal-maratona b’risq id-Dar tal-Providenza.
Il-Ħamis 2 u l-Ġimgħa 3 ta’ Jannar se jixxandru żewġ episodji wara xulxin, b’total ta’ erba’ episodji tas-sensiela mmirata għall-familja kollha L-ISKWADRA SIGRIETA TAN-NANNU TONI
Il-Ħamis ukoll fl-4:15pm il-kummiedja mużikali ŻEŻA TAL-FLAGSHIP, filwaqt li fis-6:45pm edizzjoni speċjali, l-ewwel waħda għall-2025 ta’ POPCORN.
Il-Ġimgħa 3 ta’ Jannar fis-6:30pm dokumentarju dwar DAR IL-MEDITERRAN GĦALL-KONFERENZI, filwaqt li s-Sibt 4 ta’ Jannar f’12:15pm il-kummiedja MINN ĠOT-TAĠEN GĦAL ĠON-NAR li fiha jieħdu sehem atturi stabbiliti kif ukoll residenti tad-Dar tal-Providenza
