“Serquli l-flus li kont ilni nġemma għal funeral tagħna stess” hekk qalulna l-koppja Mario Farrugia u Therese Micallef li t-tnejn illi huma neqsin mid-dawl fejn spjegawlna kif kmieni l-Ħamis filgħodu għall-ħabta tal-11:30am sfaw fil-mira ta’ ħalliel liebes sidrija oranġjo li b’wiċċu minn quddiem mar iħabbat fuq il-bieb tad-dwejra tagħhom fiż-Żejtun u għamel ta’ bir-ruħu li jaħdem ma’ tad-dawl:
Jiena mort niftaħ, qalli tad-dawl u ftahtlu daħal u qalli int trid tagħti 50 ta’ żmien ilu u ġejt biex naqtgħalek id-dawl u għedtlu ma jistax ikun għax jien ħallast kull ma kelli minn tad-dawl biex inkun zero- ittihomli nagħmillek karta biex ma jaqtgħulekx.
Din is-serqa ammontat għal total ta’ €3,050.
Beda jsemmili jekk ma ttinix il-50 naqtgħalek id-dawl issa- ikkonfondejt- għidt jekk intieh il-50 ewro- ħadimha sewwa- taparsi għamlilna karta- kiteb numru ta’ mobile sirt naf mill-pulizija li kien falz- taparsi niżżilli l-50 ewro li tajtu fil-fatt, qabel ma ra dik il-kaxxa u ħadli li kien hemm ġo fiha.
Ftit qabel ma tah il-flus, il-ħalliel daqlu l-mobile liema telefonata kienet sinjal, li r-reat irnexxa:
X’hin kien qiegħed hawn ifehmna fuq id-dawl ċempel it-telecel. Għidtlu dan tad-dawl? Qalli LE. Ċempilli l-imgħallem. Ma kienx veru għax min ċempillu kien min kien miegħu qed jistennih biex jara jekk hux lest milli kien ser jagħmel. Dan li kien hawn ġew saqsieh fejn qiegħed- qallu JIEN HAWN QIEGĦED- il-kelma tfisser li hawn ġew qiegħed jien.
Farrugia kompla jispjega kif malli tah il-flus, il-ħalliel ma kienx kuntent bil-€50 li, iżda f’daqqa waħda mar dar għal fuq il-kexxun sabiex jara x’jista jakkwista aktar:
Daħħal idu ġol-kexxun fetaħha bil-mod imbagħad qisha kixfitu għax meta ha l-flus u telaqha. Faqqgħet il-bieba tal-kaxxa imbagħad malli ftahtha mal-ewwel u ndunajt mort nigri warajh imma peress li jien nieqes mid-dawl, ma stajtx nigri hux. Bdejna ngħajtu aħna u nibku….
Malli l-ħalliel ħarab minn fuq il-post Mario Farrugia minnufih ċempel lill-korporazzjoni tad-dawl fejn intebaħ b’dak kollu li kien għadu kif għadda minnu:
Ċempilt lil tad-dawl għiditlhom x’ġarali. Qaltli aħna ma bgħatna lil ħadd ghax int qiegħed zero magħna m’għandekx x’ittina. M’għandek xejn pendenti.
L-iktar li warrabthom, inwarrabhom u ma nagħtix kashom jekk jinqala’ oġġett ta’ mewt. U ma kontx qed nagħti kashom u veru. In-naqa li kelli mwarrba ġabuni b’xejn. Irrid nerġa’ nipprova nibda mill-bidu.
Din il-koppja msejkna li m’għandhiex sold fuqhiex taħlef fuqu, sa ma ftit tal-ġimgħat oħra jirċievu l-pensjoni tal-invalidita’ huma tassew każ ta’ meta l-ħmar il-magħkus idur għalih id-dubbien.
