ARA: Premjazzjoni Annwali tal-Federazzjoni Maltija taċ-Ċikliżmu

Il-Federazzjoni Maltija taċ-Ċikliżmu organizzat l-Ikla Annwali tagħha bil-qofol tas-serata tkun il-Premjazzjoni liċ-ċiklisti kollha li kisbu xi suċċess matul dan l-istaġun li għadu kif intemm fid-diversi kategoriji. Kien ppremjat ukoll il-klubb ta’ Mosta AF Sign Studio CC bħala r-rebbieħ kemm tal-Elite Aggregate Cup, kif ukoll dik tal-Overall Aggregate Cup. Nagħtaw ukoll tifkiriet ta’ apprezzament lil Joe Bajada, Segretarju Ġenerali, Etienne Bonello, Direttur Tekniku, kif ukoll liċ-ċiklista professjonali Taljan Valerio Agnoli li t-tlieta li huma kienu responsabbli b’kull mod fil-Kamp ta’ taħriġ li sar fi Fiuggi f’Lulju li għadda.

Apprezzament ieħor ingħata lit-tfajjel Jake Vella għall-inspirazzjoni, determinazzjoni, kif ukoll dedikazzjoni tiegħu minkejja li jbagħti minn kundizzjoni rari.

Il-preżentazjonijiet, li tmexxew mis-Segretarju Ġenerali tal-Federazzjoni Joe Bajada, saru minn uffiċjali għolja tal-istess Federazzjoni Maltija taċ-Ċikliżmu, John Zammit, Joe Bajada u Daniel Borg Olivier, Delegati tal-Klubbs preżenti, kif ukoll mill-mistiedna speċjali Valerio Agnoli u l-Hon. Clayton Bartolo li huwa l-kordinatur tal-Proġett il-ġdid tal-Federazzjoni: Agnoli – Federazzjoni Maltija taċ-Ċikliżmu.

Matul is-serata saru diskorsi mill-President John Zammit fejn ta ħarsa lejn l-istaġun li għadu kif spiċċa, kif ukoll semma il-parteċipazzjoni internazzjonali fejn il-mira ewlenija tal-Federazzjoni trid ikun li wieħed jippjana għal futur aħjar billi ninvestu fiż-żgħażagħ tagħna u għalhekk li l-Federazzjoni ġa bdiet tinvesti bil-limitazzjonijiet tagħha f’dan il-proġett. Huwa radd ħajr lid-delegati u l-uffiċjali tal-klubbs, mhux biss għal-preżenza tagħhom f’din is-serata, iżda wkoll għal parteċipazzjoni taċ-ċiklisti membri tagħhom, kif wkoll għal koperazzjoni tagħhom li meta intalbet xi għajnuna dawn kienu ta’ spalla għal Federazzjoni. Huwa radd ħajr ukoll lis-Segretarju Ġenerali Joe Bajada, li ddeskriviħ bħala l-persuna li tidħol b’ruħha u ġisimha għal kull ma jkun hemm bżonn.

Valerio Agnoli minn naħa tiegħu qal li din hija okkażjoni speċjali għalih wara l-ewwel esperjenza barra minn xtutna ta’ grupp ta’ ċiklisti żgħażagħ li huwa ospita fi Fuiggi. Huwa saħaq fuq l-importanza li kulħadd jifhem għaliex beda jitħaddem dan il-proġett li fih il-mira hija li jkollna ċiklisti li fil-futur ikunu jistgħu jikkompetu b’suċċess barra minn Malta. Huwa qal li iktar dettalji ser jingħataw fi ftit jiem oħra meta huwa jerġa jirritorna f’pajjiżna. Agnoli qal li b’sodisfazzjon u bil-kollaborazzjoni tal-Membru Parlamentari Clayton Bartolo, huwa ġa kellu laqgħa mportanti mal-Prim Ministru Malti fejn spejgalu kif flimkien mal-Federazzjoni jistgħu jagħmlu pjan serju ta’ kif għandu jiġiżviluppat dan l-isport. Huwa enfasizza li kulħadd għandu jifhem li minn dan ix-xogħol kollu jiddependi l-futur taċ-ċikliżmu f’Malta.

Joe Bajada filwaqt li semma li dawk kollha li pparteċipaw fil-Kamp ta’ taħriġ fi Fuiggi ser jingħataw tifkira biex din tkompli tistimulahom għal kampijiet oħra li mistennija li jibqgħu jsiru barra minn Malta, semma ukoll kif il-Federazzjoniħasbet biex tagħti apprezzament mill-iktar xieraq u meritat lit-tfajjel Jake Vella, li bla dubju huwa wieħed mill-iktar persuni li jagħti eżempju f’dik li hija inspirazzjoni, determinazzjoni, kif ukoll dedikazzjoni. Bajada semma kif Jake ta’ seba’ snin minkejja li ibagħti minn kundizzjoni rari, mhux biss seraq il-qlub Maltin, iżda fuq kollox qed iservi ta’ ispirazzjoni għal bosta, fejn kulħadd jammira f’Jake dan il-fatt li minkejja li għandu din il-kundizzjoni huwa xorta waħda jibqa’ sportiv u ma jaqtax qalbu.

Unuri mirbuħa ndividwalment:

L-Unuri fil-Kampjonat tar-Road Race ntrebħu minn:

Kategorija Elite Irġiel:

Christian Formosa The Cyclist 510punt
Maurice Formosa The Cyclist 495punt
Alexander Pettett Pro Action – Volata CT 470punt

Kategorija Elite Nisa:

Marie Claire Aquilina Team Greens 600punt
Michelle Vella Wood Team Greens 485punt
Marion Pullicino Mosta AF Sign Studio CC 315punt

Kategorija Juniors:

Isaac Spiteri The Cyclist 600punt
Gianluca Camilleri B’Kara St.Joseph SC 490punt

Kategorija Masters 40+:

Malcolm Cachia The Cyclist 555punt
Ivan Zammit B’Kara St.Joseph SC 550punt
Mario Attard Team Greens 450punt

Kategorija Masters 50+:

Mark Schembri Mosta AF Sign Studio CC 600punt
Steve Mifsud Mosta AF Sign Studio CC 505punt
Joseph Micallef The Cyclist 330punt

Kategorija Subien U/16:

Sean Enriquez Mosta AF Sign Studio CC 550punt
Mika Zammit Agones SFC 330punt
Nikol Micallef Mosta AF Sign Studio CC 200punt
Malcolm Vassallo Mosta AF Sign Studio CC 200punt

Kategorija Tfajliet U/14:

Kristina Spiteri The Cyclist 600punt
Justine De Giorgio Mosta AF Sign Studio CC 525punt
Bettina Falzon Mosta AF Sign Studio CC 310punt

Kategorija Subien U/14:

Matthew Galea Pirotta Mosta AF Sign Studio CC 600punt
Luke Joseph Camilleri Mosta AF Sign Studio CC 470punt
Nathan Zammit Mosta AF Sign Studio CC 435punt

L-Unuri fil-Kampjonat tat-Time Trial intrebħu minn:

Kategorija Elite Irġiel:

William Hili Mosta AF Sign Studio CC 575punt
Alexander Pettett Pro Action – Volata CT 510punt
Etienne Bonello Team Greens 455punt