L-Assoċjazzjoni tal-Kunsilli Lokali ħeġġet lir-residenti biex jisseparaw l-iskart kif suppost, sabiex jiġu evitati perikli tan-nar.
“Fid-dawl ta’ inċident riċenti li jinvolvi nirien relatati mal-iskart f’waħda mill-komunitajiet, infakkru lir-residenti kollha biex ikunu responsabbli fl-immaniġġjar tal-iskart,” qalet l-Assoċjazzjoni.
Dan fid-dawl li nirien kbar seħħew fi trakk tal-iskart f’Ħal Tarxien, minħabba rimi mhux xiereq u nuqqas ta’ separazzjoni adegwata.
“Nirien relatati mal-iskart joħolqu riskju sinifikanti kemm għall-ħajjiet kif ukoll għall-proprjetà. Dawn in-nirien jistgħu jinfirxu malajr, jikkawżaw ħsara estensiva u saħansitra jirriżultaw fit-telf tal-ħajja.”
Assoċjazzjoni tal-Kunsilli Lokali
Għalhekk l-appel jibqa’ biex kull individwu jissepara l-iskart u jarmih kif suppost.
