Waqt li kien f’ħanut tat-teknoloġija f’Malta, Nuseir Yassin sid il-paġna ta’ fama mondjali Nas Daily, ġie attakkat minn raġel xurban.
Minkejja li l-esperjenza ma kinitx waħda mill-isbaħ, Nuseir bidilha f’waħda pożittiva. Dan hekk kif hu spjega kif dak ir-raġel hemm ċans li jkun immigrant iżda li m’għandniex inħallu l-imġieba ta’ persuna waħda tibdlilna l-opinjoni dwar kulħadd.
Dan għaliex matul ħajjitna se niltaqgħu ma’ bosta individwi li lil’hinn mill-passat u l-oriġini tagħhom, se jkunu ta’ għajnuna u se jħallu effett pożittiv fuq ħajjitna u dawk huma l-persuni li għandna nibqgħu niftakru.
