Id-dilettanti tal-festa ta’ Marija Addolorata Sultana tal-Martri f’San Pawl il-Baħar ħasbu biex f’dan iż-żmien hekk diffiċli għalina lkoll, joħolqu filmat biex isaħħaħ il-moral ta’ dawk kollha li għandhom għal qalbhom il-festi, b’mod partikulari lill dawk kollha devoti tal-patruna Marija Addolorata.
Il-filmat juri l-ħeġġa, passjoni u dedikazzjoni li l-Kumitat Żgħażagħ Ġawhrin f’San Pawl il-Baħar għandhom għall-festa.
Uffiċjal mill-kumitat qal ma’ one.com.mt li l-ħsieb wara dan il-filmat huwa sabiex titrawwem it-tama li dawn il-jiem, li forsi llum jidhru li m’hu se jintemmu qatt, se jgħaddu wkoll.
Tama li dan iż-żmien ma’ jdumx ma jgħaddi u ftit ġimgħat bil-barka ta’ Alla d-dilettanti tal-festi f’Malta u Għawdex jistgħu jerġgħu jirrankaw il-preparamenti tagħhom għall-istaġun tal-festi u biex fis-sajf it-toroq jerġgħu jimtlew bil-ferħ u l-briju li jafu jagħmlu tant tajjeb il-Maltin u l-Għawdxin.
